جدة مامتى حكت ليها حكاية ترجع لأيام الإحتلال الفرنسى على مصر.إيه هى بقى الحكاية؟ .
☺كان ياما كان ياسادة يا كرام ما يحلى الكلام إلا بذكر النبى عليه الصلاة والسلام
فى يوم أرسل قائد الجنود الفرنسى رسول لعمدة البلد بلغه أنهم فى طريقهم للبلد وسامعين إن بنات وستات البلد حلوين☺ , العمدة ناصح وفهم هما جايين البلد ليه ☝ وكان رده ياأهلا أهلا ده أنتوا تشرفونا☺ - طبعا الحوار كان إنجليزى والعمدة كان متعلم - وجرى العمدة بعت كل الغفر لكل مساجد البلد ونادو على الناس فرمان من العمدة على كل بنات وستات البلد ألبسوا أعفن وأوحش جلبيه عندكوا وإدهنوا وشكوا بهباب الفرن أو العسل الأسود وإنكشوا شعركوا وحطوا عليها وعلى هدمكوا طين و ذرات متناثرة من برفيوم الجاز الطبيعى المتواجد فى كل البيوت ساعتها☺
أوصاهم بالمرمطة وقد كان☝
ووصل الجنود وقائدهم : فين بنان ستات امدة العمدة: موجودين شرفتونا ونورتونا ياأهلا وسهلا ☺وخبط على أول بيت وفتحوا وشافوا هياكل يبدو أنها تنتمى إلى الجنس البشرى ملزق عليها الدبان ✌ , طبعا العسل الأسود عمل أحلى شغل وكان رد فعلهم : أووووووووووووووووووه نوووووووووووووو ☺ نشوف بيت تانى وهكذا أووووووووووووووووووو نووووووووووووو اوووووووووووووف ☺ وبيت فى التالت فى الرابع فى العاشر لحد ما جالهم حالة أرف من ستات الكون تقريبا ✌ وركبوا الخيول ومشيوا طيران من البلد ✌ , وقفت كده القصة؟؟ لا أبدا كان رجالة بقى متربصين لهم على الطريق وهجموا عليهم وطحنوهم✌, كانوا فاكرين قال إيه أنهم هيعلموا على الدمايطة معلش متعودناش حد يعلم علينا إتعودنا إن إحنا اللى نعلم على الآخريين بس بأدبنا.☺
شوفتوا أزاى الحفاظ على الشرف والعرض شوفتوا إزاى بتكون الرجولة والحفاظ على المرأة مش شوية هرتلة فى الكلام وإسطوانة محفوظة إنما مواقف,تصرفات,فعل ورد فعل.
العمدة راجل نبيه محترم ✌شكرا ياحضرة العمدة ❤
الاحتلال الفرنسى على مصر
Reviewed by عن المجتمع
on
أغسطس 12, 2019
Rating: 5
ليست هناك تعليقات